Sá félagskvíðni bloggar

Skaz

Maður sá er skrifar hér ýmsar misvitrar skoðanir er frá Akureyri og er nemi við Háskólann á Akureyri.

Ég er félagsfælinn/kvíðinn og er það sjúkdómur sem hefur valdið mér vankvæðum í lífinu. Upp að því marki að ég læt mig málefni geðfatlaðra miklu skipta. Sjálfum finnst mér líf mitt vera vantandi og að ég hafi misst af hlutum sökum þessa sjúkdóms. Er þetta ein af þeim ástæðum að ég skrifa ekki mikið undir nafni. Fleiri ástæður eru listaðar hér að neðan. 

Höfundur kallar sig "Skaz" sem er þróun á IRC nickinu "Skastrik", færri stafir og minna að útskýra fyrir útlendingunum mínum sem spyrja mig hvað það þýði nú nafnið mitt auk þess að þarna er bókstafurinn Z sem er svali bókstafurinn í stafrófinu.

Afhverju notast ég við nick í stað fulls nafns auk kennitölu og símanúmers?

Jaaaa.... Varnir Íslendinga varðandi persónulegar upplýsingar eru hlægilegar. Með nafno er hægt að finna símanúmer, kennitölur, heimilsfang og allskonar hluti sem fólk, sem ekki er sammála manni og tekur það nærri sér að ég er ekki sammála því. Getur notað til þess að "bögga" mann. SMS skilaboð um skoðanaágreining er eitt dæmi. Annað dæmi gæti verið óþarfa heimsóknir......get my point?

Tjáningarfrelsi án hamla er eitt af þeim hlutum sem hafa gert Internetið að þeirri snilld sem það er í dag. Að skiptast á skoðunum án þess að þurfa að eiga á hættu ofsóknir vegna "rangra" skoðanna á hlutum er til bóta fyrir samfélagið í heild sinni.

 

Auk þess að hversu miklu máli skiptir það að skrifað hafi verið undir ummæli eða ekki? Orðin standa áfram þarna á síðunni svart á hvítu. Nafn eður ei, þá hafa ummælin fallið og það er ykkar að svara þeim á málefnalegan hátt.  Sú "stefna" um það að skrifa skuli undir með nafni hentar einungis þeim háværu og yfirgangsmiklu. Að þora ekki að svara ummælum sem skrifuð eru undir gælunafni eða dulnefni er merki um skræfuskap. Á þessu litla landi sem við búum á er það verra. Fólk getur sagt margt á netinu sem það segir alls ekki augnlitis til augnlitis og þá er GOTT að hafa auka vegg á milli fólks svo að þessi skoðana skipti HALDIST á netinu en vaði ekki yfir í hinn "raunverulega" heim með tilheyrandi brasi og sýndarmennsku sem því fylgir.

Þeir sem þurfa að vita hver ég er vita það. Þetta gælunafn mitt er ekkert leyndó meðal vina minna.