Mun hótun um að skrúfa fyrir fjármagnið sem heldur kerfinu gangandi vekja stjórnina?

Það er búið að vera einhverskonar lágdeyða yfir öllum aðgerðum ríkissins. Það eru einfaldlega settar reglur og lög sem breyta örlítið til um hvernig málum er háttað. Aðallega málum þegar fólk er komið í vesen eins og að vera gjaldþrota.

Ríkið hefur af einhverjum óskiljanlegum ástæðum haft þá vanhugsuðu hugmynd að það gera ekkert annað sé nóg. Það er ekki stoppaður lekinn sem síhækkandi skuldir sökum vísitölu og gengis eru heldur er bara sett stærri fata undir.

Vandinn er sá að fólk er búið að vera að greiða úr sparifé sínu, lífeyrisréttindum og fleira til þess að mæta hækkandi greiðslubyrði og það er ekki nema dropi í hafið og étið upp af verðbólgunni eins og ekkert sé. 

Fólk er að verða búið með þessa peninga og þá mun það lenda í vandamálum, margir munu þurfa að fara í gjaldþrot því að það mun aldrei með þessu árfamhaldi ná að greiða skuldirnar upp, jafnvel þó svo að þær séu lengdar til 70 ára, sá sem er 30-40 ára í dag mun ólíklega ná að borga það lán upp. Þannig að vandinn er nú þegar kominn á börnin og jafnvel barnabörnin.

 

Mér sýnist að eina leiðin sem að virki til þess að vekja athygli á þessu sé einfaldlega að hætta að borga. Þurrka upp rekstrarfé Íbúðalánasjóðs og nýju bankanna. Eða í það minnsta að hóta því. Þar sem að það er ekki hægt að kreista blóð í steini þó svo að slíkt hafi verið gert hér í tilvikum. Fólk á bara ekki lengur fjármagn til þess að standa undir brostnum forsendum samninga. Vísitala hefur hækkað, gengið hrunið og þar með allar greiðslur hækkað upp úr öllu valdi.

Fólk treysti lánveitendum sem sögðu engar líkur á þessum framtíðaraðstæðum, og tók lán löngu áður en nokkrar grunsemdir voru á þessu.

Þurfa skuldarar virkilega að bera allan kostnað þegar forsendur samninga bresta og afborganir hækka upp úr öllu valdi? Sérstaklega þegar það virðist sem að lánveitendur séu beinir orsakavaldar að því að forsendurnar bregðast?

 

Eitt er víst, þessi bíðanda háttur gengur ekki lengur. Fólk er að verða uppiskroppa með allt sparifé, jafnvel lífeyri í sumum tilvikum og margir eru að upplifa það að launin þeirra eru varla að duga fyrir lífsnauðsynjum eins og mat, eða samgöngum til og frá vinnu. 

Margir íhuga greiðsluverkfall

Athugasemdir

[Viðar Ingvason (IP-tala skráð) 2.5.2009 kl. 19:24]

Því miður þá virðist ekkert gerast í þessum málum gagnvart lántakendum svo við flótum sofandi að feigðarósi.

[V. Jóhannsson (IP-tala skráð) 3.5.2009 kl. 00:43]

Það er ljótt að segja það, en erlendis væri örugglega búið að skjóta (myrða) einhvern ráðherrann, til þess að hinir vakni og komi sér út úr fílabeinsturninum. Ég yrði ekki hissa ef eitthvað gerðist á næstuni.

[Páll Blöndal, 3.5.2009 kl. 01:35]

Nei V.Jóhannes
Við skulum ekki gleyma því að þeir aðilar sem mynda stjórnina er
sjálft slökkviliðið. Hvort þeim tekst að slökkva eldinn er svo annað mál,
en þau eru að reyna.
Ekki gleyma því heldur að búsáhaldabyltingin heimtaði kosningar og það
gekk eftir.
Tek samt heilshugar undir að þetta tekur alltof langan tíma og þjóðinni blæðir út.