Höggin dynja á Steingrími & co.

Hvað ætli það sé eiginlega sem að sannfærir Steingrím um að þetta sé eini díllinn og besti díllinn og verði að samþykkjast sem slíkur?

Hvað veit hann og þorir ekki að segja þjóðinni? Ég meina, maðurinn var harður andstæðingur þess að fá aðstoð frá IMF, hvað þá að Ísland bæri nokkra ábyrgð á Icesave nema að þar hefði verið íslenskir aðilar á ferð sem sjálfir gætu tekið þetta á sig, ríkið kæmi þessu ekkert við.

Hvað olli því að maðurinn snérist eins og vel smurður vindhani? Sérstaklega með svona lögfræði álit sem bendir einstaklega mikið á óvissuna og óljósleikann sem einkennir ESB tilskipunina sem við uppfylltum að öllu...

Af hverju er Steingrímur eins og hann hafi séð vofu? Hvað er búið að hóta honum að gerist ef Icesave ábyrgðir verða ekki staðfestar? Ef að manninum hefur verið hótað þá skal hann gera það opinbert því að hótun gegn fjármálaráðherra Íslands er hótun gegn landsmönnum öllum.

Óvíst um ábyrgð á Icesave

Athugasemdir

[Sigurður Þórðarson, 7.7.2009 kl. 07:52]

Hann er búinn að bíta þetta í sig

[Loftur Altice Þorsteinsson, 7.7.2009 kl. 07:57]

Við krefjumst afsagnar Össurar Skarphéðinssonar.

Það er glæpsamlegt, að leyna svona mikilvægum gögnum, sem staðfesta að okkur ber ekki skylda til að greiða fyrir mistök ESB.

Þetta eru föðurlandssvik !

[Sigurbjörg Jónsdóttir (IP-tala skráð) 7.7.2009 kl. 08:33]

Steingrímur er á launaskrá hjá mafíunni honum er skítt sama hefur alltaf verið  líka þegar hann var í minni hluta, faldi sig á bakk við gífuryrði sem hentaði útrásarsukkurunum.

[joi (IP-tala skráð) 7.7.2009 kl. 08:37]

Ef Össur Skarphéðinsson utanríkisráðherra hefur setið á þessari skýrslu, og ekki gert minnsta til að kynna hana. Þá á hann að segja af sér fyrir hádegi. Þetta eru landráð.

Ólína Þorvarðardóttir kóaði með þegar hún talaði um að þingmenn ættu að fá þær skýrslur sem þeir færu fram á og ekkert meira. Auðvitað fara þingmenn ekki fram á skýrslur sem þeir vita ekki að séu til sbr. þessi.

Ef þetta er satt og rétt er nokkuð ljóst að Hörður Torfa og hans lið verður að beita utanríkisráðherra sömu meðulum og voru notuð á Davíð Oddsson.

Þetta er grafalvarlegt mál.

[Erla (IP-tala skráð) 7.7.2009 kl. 08:39]

Nú er það Austurvöllur...

VANHÆF RÍKISSTJÓRN!