Hlustaði á ræðuna

og fór allt í einu að velta því fyrir mér hvort að þessi kona, Katrín ætlaði ekki örugglega að bjóða sig fram til þings.

Fengi mitt atkvæði.

Sýndi það sem vantar núna í pólitíkusa.

Íslendingar láti ekki kúga sig

Bíðið nú andartak, hvað með...

Þjóðhagspánna sem átti að hafa tafið fyrir IMF umsókninni í okt. vegna framleiðslu hennar?

Var hún kannski aldrei gerð?

Sagði Geir H. Haarde okkur ósatt?

 

Fjárlagavinna gengur ekki neitt

Það er nú þegar pólitísk óreiða.

Og er meira að segja hægt að persónugera hana í einum manni, hæstvirtum seðlabankastjóra Davíð Oddssyni.

Maðurinn hefur ekkert gert nema ráðist að öllum nema sjálfum sér og sinni stofnun. Hann hefur verið með úthúðanir í garð útrásarvíkinganna, fjármálaeftirlits, ríkisstjórnarinnar og litlu ósýnlegu álfanna sem búa undir sólpallinum hans. 

Maðurinn er vægast sagt búinn að vera til meiri vandræða en góðs að manni sýnist. Af hverju Geir er tilbúinn að sitja undir þessu er umhugsunarvert. Sérstaklega í ljósi þess að hann urrar og geltir á fréttamenn þegar þeir spyrja gagnrýnna spurninga.

Ég held að kosningar séu þarfar. Óreiðuna núna og hvern dag fram að kosningum verður hægt að bæta upp að miklu leyti með vinnufrið og minna umdeildum þingmönnum eftir kosningar.

 Það að þau eru farin að tala um þetta og hafna kosningum segir bara til um það að það er verið að pressa á þau af mörgum aðilum um þetta atriði.

Mestu deiluefnin felld úr gildi

Færum mótmælin útfyrir landsteinana

 Ég vil benda fólki sem ekki er sátt við núverandi stjórnendur að nú er komið upp ástand þar sem að við getum haft áhrif á það hvort að liðið víkji eða ekki. Með því að krefjast þess við IMF að þeir haldi eftir lánunum þar til að nauðsynlegar endurbætur hafi verði gerðar á ríkisstjórn og fjármálastjórn landsins.

Þessar aðgerðir er hægt að sjá á þessari síðu hér:

http://asthildurcesil.blog.is/blog/asthildurcesil 

Nýja Seðlabankastjórn

Má hann komast upp með þetta?

Nú er ég í vafa vegna þess að hingað til höfum við bara leyft ráðherrum að komast upp með allt hér á landi. Þeir hafa mátt segja ósatt, skipa vini og ættingja vina sinna í há embætti og auðvitað fyrrverandi ráðherra í embætti sem þeir hafa enga menntun í o.s.frv. Svo náttúrulega hafa ráðherrar mátt taka ákvarðanir þvert á lög og reglur og hæfi vegna eignatengsla. Þeir hafa mátt gefa vinum sínum ríkisfyrirtæki á spott prís og margt margt annað sko...

En nær þetta líka yfir ráðuneytisstjóra? Ég bara veit ekki...veit einhver þetta? Eru ráðuneytisstjórar líka "ábyrgir" gjörða sinna líkt og ráðherrar?

Almenningur vissi ekkert um fundinn

Jæja, er ekki bara kominn tími á Þjóðstjórn?

Ok, paník stjórnarinnar eftir síðasta útspil Davíðs Oddssonar seðlabankastjóra finnst mér sýna að það er eitthvað sem hefur átt sér stað á bakvið tjöldin sem að mínu mati veikir það traust sem hægt er að veita núverandi ríkisstjórn. Það er vegna þess að ef eitthvað hefur átt sér stað á bakvið tjöldin þá eru menn ekki að hugsa um að gera það rétta í stöðunni heldur það sem þeir geta til þess að koma sér í skjól undan þeirri reiði almennings sem mun koma í ljós.

Þannig að mínu mati þá held ég að það sé ekki forkastanlegt að allir þeir sem komið hafa að þessari krísu haldi áfram vegna þess að það er enginn yfir allan grun hafinn. Þannig að núna er mál að mínu mati að fara í aðgerðir sem hindra að þetta fólk sé að blanda saman hagsmunum þjóðar og síns sjálfs.

Að Seðlabankastjórn víki.
Hún er einfaldlega orðin alltof umdeild til þess að geta starfað í góðri trú. Hvort sem það er réttmætt eða ekki skiptir ekki máli. Það þarf að endurvekja traust og breyta öllu umhverfi og umfangi þessarar stofnunar þannig að við getum allt eins byrjað á þessu.

Yfirmenn FME víkji.
Þessir menn eru nú yfir öllu peningamálum þjóðarinnar. Bankarnir verða að hlýða þeim í einu og öllu. En á sama tíma þá hafa þessir aðilar ekki komið einu sinni í viðtal eða á blaðamannafund að útskýra eða tilkynna gjörðir og stefnur. Það er óásættanlegt í lýðræðisríki. Og eins og um Seðlabankann eru miklar deilur um ábyrgð og vanrækslu á peningastefnunni sem uppi hefur verið hér fyrir bankahrunið. Eins og um Seðlabankann er alltof mikill vafi á ábyrgð. Og það bætir alls ekki úr skák þessi dynjandi þögn sem hefur komið frá þessari stofnun.

Ríkisstjórnin segi af sér.
Þetta er orðið nauðsynlegt. Enginn ráðherra er hafinn yfir grun. Fram hafa komið misvísandi ummæli um hluti frá mismunandi ráðherrum um sömu hluti. Sumir ráðherrar hafa orðnir uppvísir af því að fara með fleiprur og jafnvel það sem kalla mætti beinar lygar. Atburðarrásin sem leiðir að þess bankahruni er umvafin leyndarmálum. IMF málið er umvafið leyndarmálum. Og eins og ég minntist á áður þá er bara í ljósi síðasta útspils Davíðs að meira er búið að vera í gangi á bakvið tjöldin og að það sé eitthvað sem ekki þolir dagsins ljós er eitt nóg til að þessi ráðstöfun sé nauðsynleg.

Alþingi sé rofið.
Það er sama ástæða á bakvið þetta og ríkisstjórnina. Þingmenn virðast hafa haft mismunandi aðgang að upplýsingum eftir flokkum og persónulegum samböndum. Ríkisstjórnin virðist hafa sneitt framhjá upplýsingarskyldu sinni en "uppfyllt" hana á tæknilegan hátt með því að upplýsa valda Alþingismenn. Stjórnarandstaðan hefur fengið litlar upplýsingar og oftast eftirá.
Betra er að hreinsa alveg út af þingi heldur en að reyna komast að því hverjir séu útvaldir eða ekki.

Utanþingsstjórn eða Þjóðstjórn.
Það þarf að skipa Þjóðstjórn sem hefur umboð fram á vor eða í sex mánuði. Hlutverk þessarar stjórnar væri að rétta landið af efnahagslega og að koma af stað óháðum rannsóknum á gjörningum allra sem komið hafa að ákvarðanatöku vegna bankakrísunar. Réttast væri að þessi stjórn myndi einnig fara í gagngerar endurskoðun á stjórnarfyrirkomulagi íslenska ríkissins og hlutverkaskipan Alþingis, Ríkisstjórnar og Hæstaréttar. Peningakerfi landsins yrði að taka til gagngerar endurskoðunar.
Réttast væri að þessi stjórn hefði umboð í 6 mánuði í senn sem væri hægt að endurnýja einu sinni með kosningum.

Þetta eru mínar hugmyndir um hvað þyrfti til svo að núverandi krísa myndi fá a.m.k. virka úrvinnslu. Núverandi ráðamenn virðast mestmegnis vera uppteknir af því að fría sig frá nokkurskonar ábyrgð. Forsætisráðherra þykist enga ábyrgð bera þó svo að þetta hrun eigi sér stað á hans vakt og að hann sé æðsti maður ríkisstjórnarinnar. Þegar skip verður fyrir óhappi er skipstjórinn alltaf ábyrgur jafnvel þó svo að um að mistök undirmanna valdi óhappinu. Það er hans að tryggja að undirmenn hans hafi þekkingu og vitneskju til þess að vinna starf sitt á réttan hátt.

6 fundir með seðlabankastjórn

Atvinnutækifæri?

Bara hugmynd, nóg af skipaumferð hér við land...

Enn einu skipinu rænt

OK, markmið vikunnar...

...er þá að koma þessu liði sem er í "umboði" okkar búið að koma því þannig fyrir að bankakerfið er farið á hausinn og núna skuldum við ótilgreinda þúsundir milljarða króna í erlendar skuldir bankanna sem þau áttu að vera hafa hemil á.

Þetta þarf að gerast áður en lánið frá IMF kemur hingað. Mynduð þið treysta óreiðumanni sem nún þegar væri búinn að gera sig gjaldþrota til þess að höndla peninga sem þið fengjuð lánað?

Hvernig væri að fólk færi núna niður á Austurvöll í dag og á morgun og virkilega mótmælti? Ekki þetta happy happy joy joy dæmi sem er búið að vera takmarkað við laugardaga og ræður.

Það þarf eitthvað að gerast til að koma núverandi óreiðumönnum á Alþingi út úr fantasíulandinu þar sem þetta gerist og þeir sitja áfram í störfum sínum eins og ekkert hafi gerst. 

DV birtir yfirlýsingu stjórnvalda til IMF

ohh ég hélt að þessi frétt væri um...

...moldvörpurnar og strútana á Alþingi. Og skildi ekkert í þessari niðurstöðu. 

 

En já hvalveiðar. Ég er ekkert spenntur fyrir hvalkjeti. Ekkert mótfallinn þessu heldur sérstaklega. Svo lengi sem veiðarnar séu vel þolanlegar af stofninum. Afhverju þessi spendýr fái sér ummönnun eftir að vera komin úr hættu er ekki skiljanlegt.

Held að eftirspurn eftir hvalkjöti sé lítil og sértæk. Á aldrei eftir að ná sömu hæðum og hér áður fyrr.  

Ekki nauðsynlegt að skjóta þá

Hversu dýrt ætli við höfum selt okkur?

Það er að segja upp í skuldir.

Nokkuð viss að ef "eignir" Icesave og KB Edge væru til staðar að þá myndu Bretar og Hollendingar ekki vera að standa í þessu veseni. Mest er ég nú hræddur um að þessar eignir séu einskis virð, pappír um hluti í hinu og þessu fjárfestingarfyrirtæki sem enginn vill neitt með hafa í dag. 

Og þá kemur að okkur, hinum dyggu skattgreiðendum Íslands að borga afglöp úrásarinnar og eftirlitslausrar ríkisstjórnar.

 

Eitt er samt víst, þetta verður okkur dýrt. Og munum þá í lengur en 5 mínútur að skipsstjórinn sem strandaði skútunni er ennþá í brúnni og heldur fast í stýrið.

Lánsumsókn Íslands hjá IMF afgreidd á miðvikudag