Hah! Árni misskildi sjálfan sig!

Miðað við viðtalið sem sýnt var af Árna í Leifsstöð og svo samtalið við Darling er það ljóst að Árni sagði við Darling að við myndum ekki og líklega gætum ekki staðið við skuldbindingar skv. EES ákvæðum.

Ég er líka hissa á hvað Árni eyðir miklum tíma af þessu samtali í það að vísa í eitthvað bréf og að segja óbeint: "mitt fólk talar við þitt fólk". Darling hins vegar spyr hnitmiðaðara spurninga og virðist hafa sett sig betur inn í málið. Árni er hinsvegar að reyna koma sér hjá því að svara.

Mér sýnist að ef einhver misskildi einhvern þá var það dýralæknirinn sem misskildi sjálfan sig...

Samtal Árna og Darlings

Athugasemdir

[Fannar frá Rifi, 23.10.2008 kl. 21:52]

var það kannski að Bretarnir voru að leita að sökudólgi til að kenna öllum óförum heimsins um? Darling átti bara að pressa þangað til að það fengist afsökun til þess að gera það sem þeir gerðu.

[Skaz, 24.10.2008 kl. 02:25]

En það breytir varla því að það virðist vera að mestu leyti satt það sem þeir sögðu fólki. Árni sagði honum að við gætum líklega ekki borgað og í raun hefðum engan áhuga né vilja til þess. Sem er satt um alla hér á landi.

En Árni segir svo við Íslendinga í gegnum viðtal að hann hafi sagt allt annað við Darling. Að hann hafi sagt honum að við ætlum að borga það sem við þurfum að borga (hversu mikið er núna deiluefnið af okkar hálfu) og að annað hafi ekki komið til greina.

Hins vegar eru viðbrögð Bretanna alveg ömurlega harðhent og móðgandi. Og líklega knésettu Kauþing.

[Jóhannes (IP-tala skráð) 24.10.2008 kl. 09:33]

Hvað stendur í samtalinu verður ekki deilt um. Það verða náttúrulega alltaf einhverjir sem kjósa að bulla og þannig er það alltaf.

  Einnig talar þú um að viðbrögð Breta hafi verið of hörð, svona eins og að afsaka þig fyrir að standa ekki að baki Árna, og líta framhjá staðreyndum málsins.

  Við vitum ekkert um af hverju breska fjármálaeftirlitið fór inn í Kaupþing. Þeir hljóta að hafa haft GÓÐAR OG GILDAR ástæður fyrir því. Þeir sýndu Íslendingum gífurlegt traust í þónokkur ár fyrir þessa atburði. Síðan þegar kreppir að og Íslendingar(bæði stjórnvöld og aðstandendur bankanna) vita ekki sitt rjúkandi ráð, þá reyna þeir að fegra myndina fyrir Bretum og hreinlega ljúga um stöðuna. Á sama tíma er t.d. fyrrv. bankastjóri Kaupþings að verða sér úti um 2 milljarða lán, þá væntanlega með veð í verðlausum hlutabréfum.