Hvað ætlum við að þola þennan sirkus lengi?

Í alvöru talað! Við erum afkomendur víkinga og fólks sem reis upp gegn því sem það taldi óréttlæti Haralds Hárfagra Noregskonungs! Við vildum ekki undir konungi vera þannig að við stofnuðum eitt fyrsta vestræna lýðræðissprotann hér í Norður-Atlantshafinu miðju. Ætlum við virkilega að láta koma svona fram við okkur? Er þrælsgenið frá Írskum og Skoskum þrælum Víkinganna svona sterkt?

Eða ætlum við bara að flýja land aftur? Forðast það að taka á vandamálinu af fordæmi forsætisráðherra okkar Geirs H. Haarde?

Ótrúlegt en satt þá ber honum að segja okkur, fólkinu sem hann hefur umboð sitt frá, satt og heiðarlega frá því sem hann er að gera í okkar nafni og hefur bein áhrif á okkur og okkar hag. Þetta er ekki hans einkafyrirtæki, einkaklúbbur sem hann og vinir hans eiga og stjórna sko...

Hvað ætlum við svo að gera? Krefjast kosninga? Taka franska stílinn á þetta?  Í alvöru talað það er ekki oft sem maður skammast sín hreinlega fyrir að vera Íslendingur en þessi roluháttur í landanum, fjölmiðlamönnum, alþingismönnum og almenningi verður að hætta. Þið berið líka ábyrgð, og sú ábyrgð er að kalla þá sem stjórna ríkinu til ábyrgðar og að fá í eitt skipti fyrir öll á hreint hver staðan er og hvað á að gera henni til útlausnar. 

Ég skal spyrja ef þið viljið, það getur hver sem er gert það, en það þarf að gera svarandanum ljóst að hann kemst ekki upp með undanbrögð því nú sé öll þjóðin að spyrja hann.

Ekki benda á mig

Athugasemdir

[Hagbarður, 29.10.2008 kl. 16:40]

Við höfum alltaf verið aumingjar og hrædd við valdhafana. Ertu svo viss um að við höfum yfirgefið Noreg sjálfviljug? Ég held frekar að við höfum verið hrakin þaðan af sterkari ættbálkum. Afhverju skyldum við hafa yfirgefið jarðnæði sem var mun betra til að setjast að á skeri út í miðju ballarhafi? Afhverju hefðum við þá ekki frekar hertekið lönd eins og Bretland eða Frakkland þar sem jarðnæði var betra ef við vorum þessi yfirburðar kynstofn?

Þú þarft ekki annað en að glugga aðeins í söguna til að átta þig á að hér býr þjóð sem er vön því að láta allt yfir sig ganga. Þessir atburðir sem núna eru að ganga yfir munu engu breyta um það. Þetta er hrædd þjóð með innræktaðan aumingjaskap. 

[Johanna þórkatla (IP-tala skráð) 29.10.2008 kl. 16:43]

Þangað til þið íslendingar nennið að fara út og mótmæla, ekki einu sinni í viku  heldur á hverjum degi þangað til þið fáið þessar druslur í burtu . Þá á ég við þá sem komið hafa nálægt íslendsku fjármálakerfi síðustu ár.  Sirkusinn fer ekki fyrr  en honum er sparkað út.