Ha?

Þetta er alls ekki lýsing á World of Warcraft, í fyrsta lagi þá miðarðu ekkert þar, það eru engin skotvopn að ráði notuð í leiknum og það verð seint hægt að kalla leikinn "hernaðarhermi".

 

Annaðhvort er verið að tala um annan leik eða maðurinn er bara að fíflast í dóminum...

Breivik þjálfaði miðið í tölvuleikjum

Hvaða fæðuöryggi?

Ég bara spyr, hvernig þykjast bændur sem að reiða sig á fæðubótaefni, eldsneyti og allskonar hluti sem að eru fluttir inn að tryggja nokkurskonar fæðuöryggi ef að innflutningur á matvælum raskast?

Auk þess að búskapur hérlendis myndi líklegast sjá okkur fyrir afar einsleitri fæðu, jafnvel skaðlega svo. 

Það er einfaldlega of mikið af matvælum sem að við getum ekki framleitt né tryggt framleiðslu á sem að yrði óröskuð af skorti á varahlutum og skorti á nauðsynjum. 

 Þannig að fæðuöryggisumræðan er eintómur reykur sem að verið er að blása í augun á fólki og skaðleg ef að almenningur fer að leggja einhverja trú á hana og svo reynir að prófa hana.

Þannig að ég held að þetta fólk þurfi að hugsa aðeins lengra en að sækja eftir hærri styrkjum og reyna að hrekja í burt útlendan hlut sem að það skilur ekki og hefur ekki að það virðist manndóm í að kynna sér. 

Ítreka andstöðu við ESB-aðild

Er þetta brandari?

Tek eftir því að fyrrum formaður Landskjörstjórnar sem að nýbúinn er að segja af sér sökum klúðursins er kosinn á ný í kjörstjórnina.

Það er alltaf það sama í gangi hér á landi, embættismenn brjóta af sér eða klúðra vinnunni og komast upp með að bera engann kostnað af því. 

 

Gamla ísland lifir enn.

Kosið í landskjörstjórn

Á meðan ætlar SA að bjóða almúganum 7-8% á 3 árum

En jæja, þetta hlýtur að vera merki um það að hægt sé að hækka laun hærra en SA virðist halda fram.

 Þannig að ég held að ASÍ ætti einfaldlega að miða við þessa tölu 101.000 krónur engar prósentutölur...

Dómarar fá 101.000 kr. launahækkun

Vá, þvílíkir bloggarar

Það sem slær mig mest við þessa frétt er það að bloggararnir hér virðast telja að hér sé með þessu í uppsiglingu eitthver kommúnískt fyrirkomulag og að eintómir aumingjar og öryrkjar muni búa í RVK ef að þetta nær fram að ganga.

 

Þetta finnst mér svo úr sér genginn og ójarðtengdur málflutningur að ég veit ekki hvort að það sé prenthæft það sem að mig langar til að kalla fólkið sem að heldur þessu fram. Gamaldags afturkreistingsíhald kemur til hugar, enda eitthvað  sem að þetta gamaldags öfgafólk skilur kannske?

 

En já þá efast ég verulega um að fólk sætti sig við viljandi viðvarandi fátækt og lág laun til þess eins að þurfa ekki að borga eins mikið af gjaldskrá borgarinnar. Held að veruleika firringin hjá þessu fólki birtist helst í því að það telur það að bláfátækt fólk lifi í raun í vellystingum og hafi það gott fyrir litla sem enga vinnu. 

Tel að þessir bloggara ættu að standa upp frá tölvunni í skrifstofustarfinu sínu hjá hverri þeirri opinberu stofnun eða álíka sem að það vinnur hjá og sóar skattfé með því að hanga bara og blogga allan daginn og  taka þátt í því að útdeila matargjöfum eða í álíka hjálparstarfi.

Það er þörf á svona hugmyndum. Að þeir sem geti borgi meira á meðan þeir sem að hafi minna borgi minna, allt miðað við hlutföll. Fólk finnur alveg jafn mikið fyrir hlutfallsköttum  en opinbergjöld sem að nú eru notuð hjá stofnunum eru flatir skattar sem að hygla ALLTAF hinum efnameiru.

En já, ef að þú græðir meira þá borgar þú fleiri krónur en sá sem að hefur minna. En þið borgið alltaf sama hlutfall. Þetta er fjandi nógu sanngjarnt.

 Ef að ég fengi að ráða þá myndi sama gegna um refsingar hér á landi. Því meiri ábyrgð sem að þú berð og meiri skaða þú veldur því mun meiri og harðari refsingu færðu...

En ráðamenn myndu væntanlega hræðast það...

Gjaldskrár tekjutengdar?

Auglýsing fyrir Landsbankann?

Þessi frétt er eins og auglýsing fyrir Landsbankann sem að Sjallar áttu náttúrulega með leyfi Davíðs og Dóra. Slagorðið myndi þá væntanlega hljóða á þessa leið:

 

"Vertu í viðskiptum hjá okkur, við gerum þig gjaldþrota á mannúðlegan hátt"

 

Innheimta og aðgerðir gegn fólki fyrir skuldir sem að byggja á brostnum forsendum og okri ásamt blekkingu gegn lántakendum eru ekki beint ekki góðar hversu hart er framið fram...

„Viðhorf bankanna hafa breyst“

Þvílíkur misskilningur hjá Árna....

Árni Johnsen á greinilega ekki heima á Alþingi ef að hann hefur skilið það sem að var í gangi núna sem einhverskonar dóm af hálfu Alþingismanna.

Alþingi var þarna að framfylgja lögbundnu ákæruvaldi sinni gagnvart ráðherraábyrgð.

 

Gaman að sjá að Árni Johnsen er svona gífurlega "hæfur" þingmaður að hann misskilur eitt mikilvægasta mál Alþingis í kjölfar hrunsins....

Og þessi fyrrverandi dæmdi glæpamaður fær borguð laun á kostnað okkar....jesús...

 Ef að þetta lið getur ekki tekið svona erfiða ákvörðun um samstarfsfólk sitt á það ekkert heima á Alþingi Íslands.

Þingmenn geta ekki sett sig í dómarasæti

Landsdómur er ekki venjulegur dómsstóll!

Mikið held ég að þetta fólk átti sig einfaldlega ekki á því að ef að um venjulegt og eðlilegt dómsmál eða sakargiftir væri að ræða þá myndi þetta ekki vera kallað fyrir Landsdóm.

Landsdómur felur í sér þann raunveruleika að brotið, afleiðinga þess og gerendur falli ekki undir venjulega dómsstóla sökum takmarkanna þeirra og hömlur sem að á þeim hvíla.

Landsdómi verður ekki áfrýjað sem að þýðir að hann er æðri en Hæstiréttur. Og það gilda ekki sömu hefðir, réttarreglur eða neitt slíkt í Landsdómi einfaldlega vegna þess að þær eru ekki til. 

 Þetta er eina tækið sem að lýðræðisríkið Ísland hefur til þess að draga til ábyrgðar háttsetta embættismenn og ráðherra fyrir hluti sem að þeir gera í starfi t.d. hreina og beina vanrækslu. Ef að slíkt er ekki gert og fordæmið sett sem fyrst um að slíkt hegðun hafi afleiðingar þá mun Alþingi og framkvæmdarvaldið geta haldið uppteknum hætti og kaffært landið í skuldum sökum klúðra. 

 

Það er hrein og bein óheiðarleg aðför að lýðræðisríkinu og jafnræði fyrir lögum að ætla sér núna að segja að ráðherrar séu stikkfríir þegar að þeir klúðra málum!

Að segja að þessir menn séu líka dæmdir með sömu reglum er líka enn eitt dæmið um amatörismann og metnaðarleysið sem að er í kröfum Íslendinga til hæfni embættismanna.

Hér hafa vanhæfir og í reynd óhæfir aðilar látið hjá líðast að stöðva atburðarrás sem að leiddi til defacto gjaldþrots þjóðarinnar og Sjálfstæðismenn vilja sleppa þessu fólki við jafnvel því að kalla saman Landsdóm til að skoða málið! 

Sérhagsmunir og sérelítan ofar þjóðinni, lýðræðinu og réttlætinu?

þvílíkt pakk...

„Röng niðurstaða“

Ef ekki sérkjör?

Afhverju hafa bankar og fjármögnunarfyritækin ekki verið að gera þessa samninga við almenning?

Það er ljóst að margir eru bara í tímabundnum vanda oft á tíðum en samt ákveða bankarnir að ganga að húsum og aleigum fólks? Í stað þess að nota þetta úrræði?

Ég meina ef að bankar hafa efni á að fresta tug ef ekki hundruð milljarða skuldum við suma hljóta þeir að hafa efni á að fresta nokkurra milljóna skuldum við almúgann ekki satt?

Segja kyrrstöðusamning ekki fela í sér sérkjör

Gamla Ísland...

Það hefur ekkert breyst, það þarf greinilega meira en smávægileg ólæti á Austurvelli til þess að Elítan á Íslandi sem að hér hefur mannað öll embætti og þingsæti sjái fram á það að hún megi ekki lengur hegða sér eins og hún vill.

Þetta er skammarblettur á ferli alls þessa fólks að hafa ekki manndóm til þess að reyna að breyta þjóðfélaginu sem að hér er að rotna til hins betri vegar.

Hér hefur ekkert breyst og enginn lært af hruninu, nema fólkið sem að borgar brúsann án þess að fá laun frá ríkinu til þess. S.s. ég og þú erum þau einu sem að þurfum að læra eitthvað af þessu öllu saman og ég tel mig vita hvað það er.

 

Þetta ástand á stjórnun landsins gengur ekki stundinni lengur.

Ekki tilefni til rannsóknar