afhverju erum við að frétta þetta frá FT?

Merkilegt að hægt er að læra meira um aðgerðir ríkisstjórnarinnar í erlendum fjölmiðlum heldur en frá henni sjálfri og íslenskum fjölmiðlum. Vekur mann til umhugsunar hvaða álit ráðamenn þjóðarinnar hafa á okkur?

Óska eftir 6 milljörðum dala

Ok, þetta er bara fyndið

Erup þið að segja mér að við séum að ná að draga fleiri tugi sveitarfélaga og stofnana í Bretlandi ásamt Ríkisendurskoðun þeirra?!??!

 

Slæmt mál í rauninni en shitt hvað íslensku bankarnir þarna úti hafa náð að markaðssetja sig vel!

Ríkisendurskoðun Breta átti fé á íslenskum reikningum

Þorgerður Katrín hvar hefur þú verið?

Ég spyr nú bara eins og asni: Er eitthvað betra að velja vini sína sem eigendur bankanna heldur en að skipa þá í stjórnir og nefndir með bankana í ríkiseigu?

Held að Sjálfstæðisflokkurinn ætti að fara verulega hægt og varlega í það að tala um pólitískar skipanir og pótíntáta...allur hæstiréttur og nokkrir dómarar koma upp í huga mér strax. Svo ekki sé talað um sérvitringinn í Svörtu Loftum og hirðina hans í bankaráðinu...

Ef að Þorgerður Katrín er tilbúin að hætta öllum flokksskírteina og kunningja framapoti, gott og vel, þá fær hún mitt atkvæði í næstu kosningum. En það er bara mjög erfitt að líta aftur á síðustu 2 áratugi og reyna að horfa framhjá því að núna virðast vera Sjálfstæðismenn og vinir þeirra í flestum opinberum stöðum sem skipað er í...t.d. Ríkislögreglustjóri og margir Sýslummenn...

 Það þarf að fara að taka mikið af þessum skipunum embættismanna og dómara, sérstaklega Hæstaréttadómara og setja þær í hendur ópólitískts valds, hægt væri að nýta Forsetaembættið mögulega? Það myndi gremjast mörgum eiginhagsmunaseggjum sem myndu mótmæla því og tala um framsal valds til ráðherra...bara það að gera þeim lífið leitt myndi gleðja mig.

Samfylking hrærir í blóði

Jæja, afsagnir takk.

Þetta fyllir alveg nú þegar fullan mælinn. Hversu lengi ætlum við almenningurinn í landinu að láta þessa ráðamannaelítu vaða fram og til baka yfir okkur á skítugum skónum?

Þessu fólki er hollast að segja af sér strax á morgun og boða til kosninga.

Þetta hlýtur að teljast refsivert athæfi, glæpsamleg vanræksla! 

Hausar munu fá að fjúka! ég trúi því ekki að fólk ætli að láta þetta bara ganga yfir eins og eitthvað hvassviðri?!?!

 

Eins gott að fjölmiðlar fylgi þessu eftir af hörku. Annars geta þeir bara hætt þessu og farið að afgreiða í Bónus, gera sama gagn þar og í núerandi störfum.

Þetta er algjörlega óásættanlegt fyrir pólitíkusa að gera sérstaklega í ljósi þess sem hefur ræst varðandi þessa skýrslu.

Bankaskýrsla undir stól

Það sem mig langar...

Mér líður ekkert vel. Er eimanna og leiðist. Langar í margar hluti sem ég get einhvern veginn ekki komið mér til þess að koma þeim í framkvæmd. Dæmi:

Mig langar út að skemmta mér. Bara allir kunningjar mínir fluttir. Enginn eftir hérna í þessu krummaskuði.
Mig langar að kynnast hinu kyninu. Í allri hreinskilni? Ég hef aldrei verið í sambandi. Aldrei átt kærustu. Aldrei þorað þess háttar samskiptum við stelpur. Yfirleitt alltaf of fullur til að þola við á skemmtistöðum lengur en kortér.
Mig langar að stunda áhugamál af alvöru. Ég þori ekki í nein félög, þarf að spyrja spurninga og þá lít ég heimskulega út. Eða það segir kvíðinn mér.
Mig langar til þess að gera eitthvað klikkað og heimskulegt og ekki að hafa áhyggjur af því hvað öðrum finnst.

Ég hata að ráða ekki við kvíðann...

Þetta er slæmt...mjög slæmt.

Og ekki bara vegna námsmanna í DK og annarsstaðar. Heldur vegna þess að spurning er hvort að fleiri bankar í heiminum taki þessa afstöðu gagnvart krónunni? Munu þá ekki viðskipti til og frá landinu einfaldlega stöðvast.

Danske Bank lokar á íslenskar millifærslur

Verði þeim að góðu...

Miðað við Seðlabanka skjalið þá hafa "vinir" Íslands ákveðið að okkur sé ekki bjargandi og ekki þess virði að reyna það. Við létum greinilega bankakerfið vaxa allt of mikið. En hvernig vinir dömpa manni þegar þörfin er allra mest?

Ég held að maður fari að læra smávegis í rússnesku því það er greinilegt hvar við þurfum að leita aðstoðar í framtíðinni og það er ekki fyrir vestan og sunnan hafs.

Mestu mistökin

Semsagt...

Partíinu var leyft að fara úr böndunum. Þessi greinagerð útskýrir margt og sýnir það að mörgum var það dagsljóst í hvað stefndi. Það sem mig langar að vita er af hverju það var ekki stigið á bremsurnar miklu miklu fyrr...auka bindiskyldi bankanna eða eitthvað í þá áttina? Vextir minnkuðu bara innlenda lánastarfsemi en höfðu engin áhrif á lán í erlendri mynt. Ef eitthvað er þá gerðu háir vextir illt verra og hröktu menn í erlendu lánin vegna lægri vaxta...

Þetta blað sýnir að erlendir sérfræðingar voru búnir að afskrifa okkur fyrir löngu. Og það réttilega að það virðist vera, vissulega sárt að vinir manns hjálpa manni ekki en hvernig hjálpar maður fíkli? Lána fíknin virðist hafa verið svo mikil hér og umsvifin miklu meiri en landið, efnahagurinn og gjaldmiðillinn réð við.

Brást þá ekki Seðlabankinn og Fjármálaeftirlitið ásamt Ríkisstjórninni í öllu sem á undan þessu kom? Voru þeir ekki að reyna að birgja brunninn þarna á meðan barnið var falla í hann eða bara löngu fallið?

Seðlabanki: Margt sagt sem ekki á við rök að styðjast

And you're outta here!

Jæja....ef þetta eru ekki ríkar ástæður til að setja hann af. En ef hann fer þá verður Davíð á völtum stóli, þetta eru afglöp í starfi. Það verður að sýna að sérstaklega þegar ástandið er svona slæmt að afglöp, mistök og svo að gangast ekki við þeim....það verður ekki þolað.

Þetta eru hörð viðbrögð en núna eru harðir tímar.

„Sagði honum að við stæðum við yfirlýsingar“

Í skjóli næturs...

Þá er þetta búið loksins, bara minni bankar og sparisjóðir eftir en allir stóru viðskiptabankarnir komnir í hendur FME. Og bankakerfið á Íslandi fært áratugi aftur í þróun...

Áhugavert hvernig þetta er alltaf gert á næturnar, líklega minnsta truflunin á markaðnum og allir minna stressaðir yfir líðandi stund.

 

Hvað gerist núna?

FME yfirtekur Kaupþing