Farinn að sjá gegnum persónulegar deilur?

Gott að Skúli er farinn að sjá ljósið eftir að hafa þurft að traðka aðeins á fyrrverandi starfsmanni ríkisskattstofu...

Gott að hann getur fyrirgefið mönnum sem að gagnrýndu hann í fyrra starfi sínu...

 Vonandi er þetta gert af hans frumkvæði heldur en að einhver þurfi að benda honum á að hann væri að fara yfir strikið...

Ríkisskattstjóri veitir aðgang

Tilgangslaus göng nema eitthvað komi á Húsavík...

Og þetta vita allir sem búa hér á þessu svæði. Víkurskarðið er alveg að anna umferð nema um alveg hávetur þegar það og margir aðrir vegir eins og Öxnadalsheiðin lokast. Sem segir manni að þetta er ekkert voðalegur farartálmi...

Og það er ekki beint hægt að réttláta þessi göng vegna mikillar umferðar, vissulega væri ágætt að fá þessi göng til þess að stytta vegalendina, en þau eru ekki nauðsynleg, a.m.k ekki fyrr en líkur eru á því að umferð þarna austur byrji að aukast og mikilvægt sé að allt sé opið ársins hring.

Og það gerist ekki nema að EINHVERJAR framkvæmdir og iðnaður eða vinna komi á Bakka á Húsavík.

Samkomulag um Vaðlaheiðargöng

Ekki gengið eins hart fram í þessu og öðrum málum...

Eins og t.d. máli varðandi opinberar upplýsingar úr fyrirtækjaskrá sem Persónuvernd sá ekkert athugavert við...

Skatturinn er enn ógreiddur

Talandi um áfall...

Ég held að þetta hafi nú allir vitað nema yfirmenn bankanna og ráðamenn þjóðarinnar. "ráðgjöf" er ábótavant og fólk fær ekki að vita um eitt einasta úrræði sem ekki er eingöngu bankanum í hag.

Ráðgjafar spyrja ekki um hag fólks

Það er vert að muna það...

Já það ert vert að muna það að fólkið sem er núna sátt við athugasemdir Breta og Hollendinga við fyrirvarana er sama fólkið og var tilbúið að segja það að Icesave væri GÓÐUR samningur. Að Icesave væri fínt óbreytt og að þingmenn þyrftu ekki að sjá samkomulagið og gætu alveg sleppt því að andmæla þessu.

Og þetta fólk er ánægt með viðbrögð Breta og Hollendinga...

 

Ég fæ ekkert smá kuldahroll við þá hugsun...

Ekki „afsláttur" af fyrirvörum

Sjálfsblekking eða áróður?

Mér er nú spurn hvort að þessi staðhæfing Steingríms um að ekki finnist fyrir minni greiðsluvilja hjá bönkunum sé rétt. Hvort Fjármálaráðherra er að fara með fleipur, vitnar í einhverja hentuga skýrslu sem er kannski ekki alveg rétt eða er bara hreinlega að ljúga, það eru spurningarnar sem ég hef.

Það ER minni greiðsluvilji, enda er greiðslugeta fólks líka minni. Núna þegar frystingar á lánum fara að renna út mun þetta koma mjög vel í ljós. Enda margir búnir að spandera sparnaði sínum til margra ára í það að borga af ofurháum og óraunhæfum afborgunum af lánum og öðrum skuldum. Afborgunum sem eru að sliga fólk sökum þess að þær eru verðtryggðar.

Ég held nú ekki að Steingrímur sé heimskur maður. Hann veit að það er hætta á almennu greiðsluverkfalli meðal almennings. Og mér finnst sem svo að hann sé að nota svona viðtöl til þess að koma fram áróðri til höfuðs því að fólk taki saman höndum og hætti að borga. Steingrímur er logandi hræddur við þetta og vill að fólk haldi að það séu fáir sem eru tilbúnir að hætta að borga. 

Svona er bara gert í fasista- og kommúnistaríkjum. Merkilegt að Ísland er búið að fara frá því að vera undir Fasistanum Davíð Odds í það að sitja undir Steingrími kommúnista....

Merkilegt að búa á Íslandi í dag...kannski að maður pæli í því að flytja til þess að losna við þá ólukku að lifa á áhugverðum tímum.

Háskalegt að borga ekki

Að semja um að borga ekki skuldir sínar...

Afhverju er sú leið ekki í boði fyrir alla? Hvar er jafnræðisreglan í þessu?

Held að þarna þurfi að skoða tengsl á milli Magnúsar og skilanefndarinnar og starfsmanna hennar...

Afhverju eru þessir 50 milljarðar afskrifaðir? Afhverju er  Toyota ekki tekið upp í skuldir?

 

Finnst svona fréttir aldrei benda til þess að á Íslandi séu allir jafnir. 

Það virðist sem svo að hér sé komin upp stétt fjármálamanna, bankamanna sem er að þjóna svo annarri stétt sem eru menn eins og Magnús. Fjárfestar og braskarar. 

Afhverju þessi maður sleppur við meginþorra skuldar sinnar, sem verður til vegna fjárfestingar sem reynist svo bara hafa verið slæm hugmynd, er mér ráðgáta. 

Á meðan eru bankar að setja þumalskrúfur á fólk sem tók lán í þeim tilgangi að kaupa sér bara heimili, þak yfir höfuðið. Er það réttlátt? eðlilegt? siðferðislega rétt?

Gamli Landsbankinn afskrifar skuldir Magnúsar

Það var mikið að einhver þessarar elítu á þinginu áttaði sig á þessu...

...enda bara búið að vera að fara með þessa staðreyndir síðan 5 mín eftir hrun. Það er búið að vera langflestum ljóst, þ.e.a.s. öllum nema kerfisköllum og þingmönnum að "aðgerðir og úrræði" ríksins væru ekki að ganga of langt.

Bjartsýnisspár kortéri eftir hrun um hraðann bata voru bara bjartsýni og ekkert annað. Barnaleg tilraun til þess að stappa stálinu í fólk svo að það tæki ekki alla sína peninga út bönkunum og hlypi af landi brott á meðan það gat það. 

En núna þegar búið er að rembast við allar aðrar leiðir sem margoft var búið benda á að virkuðu ekki, þá loksins komast þingmenn að þeirri snilldar niðurstöðu að eitthvað róttækt þurfi að gera?

 

Eiga þetta ekki að vera þeir hæfustu og gáfuðustu sem maður kýs á þing eða? Æi nei núna man ég, við kjósum flokka hér á Íslandi, ekki persónur og getu þeirra og hæfni til að stjórna landinu.

 

Ágætt að sjá einhvern stjórnarþingmann átta sig á þessu en ég held að það sé langt í land að fleiri þeirra viðurkenni það að hafa haft rangt fyrir sér eða ekki gert nóg. Svoleiðis gera ekki íslenskir pólitíkusar.

Alvarleg skilaboð felast í minni greiðsluvilja

Ráð mín til lögreglunnar....

Held að löggan ætti að sjá sér fær að láta þetta liggja, enda held ég að maðurinn hljóti að hætta þessu núna. Spurning um hvort að einhver annar taki við?

Sást skvetta málningu á húsið

Skömm íslenska ríksins algjör...

Við getum ekki haldið uppi grunnþjónustu um björgunarmál með þyrlunum. Getum varla rekið gömlu varðskipin, íhugað að leigja það nýja út fyrst um sinn eftir að hafa frestað móttöku þess nú þegar. Og svo var spurning um það sama með nýju fluggæsluvélina....

Er þetta ekki brandari eða? Er þetta virkilega mat ríkisins á fjárþörf gæslunnar sem hefur verið að aukast að sé kölluð út að skera niður?

Á meðan er 40 manna sérsveit ríkislögreglustjóra fullfjármögnuð og stundar ítrekað æfingar og er oftar kölluð út vegna nýrra vinnureglna í útköll sem engin þörf var á henni í...

Spurningin sem Ragna er að velta fyrir sér um að leggja niður fjármálasvartholið sem RLS er... 

 

Og svo eru einhverjir duttlungar fjármálaráðherra um NATO að ráða því hvort að við séum að uppfylla skyldur okkar um loftrýmiseftirlit með herliðum frá öðrum þjóðum, þar sem við stöndum á bak við brot af þeim kostnaði. 11 skitnar milljónir  miðað við að talað er um milljarða sem þarf að finna. 

Væri ekki nær að fara í endurskoðun á skipulagi ýmissa annarra stofnanna s.s. ráðuneytanna sjálfra? ýmsir smákóngar þar sem mega alveg missa sín sem og nefndir og fleira. 

 

Þyrluþjónustan til bjargar