Sjallar og kosningar um hluti...

Ég leyfi mér að efast að núverandi forusta Sjálfstæðisflokksins sé tilbúin í kosningar um málefni sem þeir vilja stjórna algjörlega sjálfir. Hingað til hafa þessir aðilar ekki sýnt sig viljuga til að kalla til almennra kosninga um eitt né neitt málfefni sem mögulega hefði átt að kjósa um. Þessir aðilar telja sig sjálfa hafa umboð og hafa að sjálfsögðu viljann til að taka þessar ákvarðanir, ábyrgðin er svo þjóðarinnar þar sem að við eigum að hafa kosið þessa náunga yfir okkur.

Ég sé ekki að kosið verði um eitt né neitt varðandi ESB á meðan Sjálfstæðisflokkurinn er við völd og er þetta ekki nein pólitík í mér, hata alla flokkana jafnt sko. Þetta er bara praktík og raunsæi, þessir aðilar vilja ráða og gera það eins og er.

Það er þó ágætt að sjá að ungviðið í öðrum flokkum er farið að sjá að það er kannski ekki svo slæmt að skjóta málum til almúgans til ákvörðunar. Þetta vantar hér á Íslandi finnst mér, maður fær ekki svo oft að taka beinar ákvarðanir um hluti...

SUF vill kosningar um hvort hefja eigi ESB viðræður í sumar

Til Fjan... með Benzínið hvað með Dísilolíuna?

Skoðaði Benzinpriser síðuna.....sé að það er ekki á mörgum stöðum þessi halli á dísel á móti Benzín...keyri nú um á dísel jálk sem er neyslugrannur en 10 kr munurinn er harður miðað við að þessir bílar eiga að vera umhverfisvænari til langstíma litið og nota minna eldsneyti.

Skil ekki þennan mikla mun hér á landi miðað við nágranna okkar. Í flestum Erópuríkjum virðist þetta vera jafndýrt ef ekki ódýrari kostur.... 

Bensín dýrara í Evrópu

Himinninn er að falla!

bleh, fyrirsjánlegt við hverju búast menn þegar ráðamenn koma fram í CNN og segja að allt sé í lagi  og að góð staða bankanna sé vel varðveitt leyndó þegar allar tölur og staðreyndir virðast benda til annars?

Annars er ég aðallega að pæla í því hvort að olíufélögin hækki verðið strax, birgðirnar svo litlar þegar þarf að hækka og svo eiga þeir helling af birgðum þegar að lækkun væri eðlileg. Virkilega fúll yfir þessum kostnaði.  Sérstaklega að dísel er að hækka meira í verði...var ekki ætlast til þess að diesel ætti að verða betri kosturinn eftir breytingarnar?

Skammtímaminni þeirra sem manna brúnna í þjóðarskútunni er hrikalegt. Ætli niðurfellingin á vörugjaldinu verði ekki líka látin bíða til að draga úr neyslu og þenslu í þjóðfélaginu og ætli Helguvíkur framkvæmdin og Sundabraut dragist um nokkur ár..... 

Krónan í frjálsu falli

Best að prófa að blogga og þá um bloggið

Ég var að skoða mig um á mbl.is og sá þar listann sem hægt er að fá yfir vinsælustu bloggin. Minnz er í 334. sæti

En það var ekki það sem vakti athygli mína á þessari síðu heldur aðsóknartölurnar í heild sinni. Og þá sérstaklega tölurnar um gesti per dag. Þessi tala er fyrir vinsælustu bloggin um 2.400 gestir. Sem ég verð að viðurkenna að kom mér á óvart, ekki há tala þarna á ferð. Ég hef verið einn af umsjónarmönnum spjallvefs sem fékk um 5.000 - 7.000 gesti á dag lágmark og þykir ekki sérstaklega stór síða. Þannig að ég hélt að hinir netvæddu Íslendingar ættu að geta náð amk 10.000.

Þetta vakti mig líka upp varðandi það að íslenskir bloggarar eru þrýstihópur. A.m.k er hér hópur sem fær töluverða athygli og umfjöllun á skrifum sínum í fjölmiðlum miðað við fjölda. Og þá er ég að tala um  fréttir sem fjalla um hluti sem hafa farið um bloggheiminn, bloggheimurinn þetta, bloggheimurinn hitt.

Ég skil það að miðill sem býður upp á instant og víðtæka birtingu skuli njóta vinsælda og hafa áhrif en mér finnst samt að +2.400 gestir per dag ekki réttlæta þau áhrif sem manni finnst vera upplifa hérna.

Þetta gæti verið rugl í mér en mér finnst fjölmiðlar þurfa að fara að vara sig á því sem fólk segir hér á netinu, blogginu. Því að það sem einkennir bloggmenninguna í heild sinni er hvað fólk er óhamlað og eðlilegt í skrifum sínum á blogg. Fólk skrifar oftast á síður sínar líkt og það sem það segir við hvert annað á kaffistofum eða einkasamræðum. Bloggmenningin er í það hraðri útbreiðslu hér á landi að fólk hefur ekki haft tíma til þess að venjast því að þetta er fjölmiðill og að aðrir fjölmiðlar lesa þetta og breiða boðskapnum út.

Það sem þetta raus í mér er um er bara það að mér finnst að fólk þurfi að fara mun varlega með skrif sín. Ég er hins vegar algjörlega á móti hverskonar hömlum eða ritskoðun af hálfu stjórnvalda á netinu. Netið er nánast síðasta frjálsa svæðið sem ég get ímyndað mér. Þetta er enginn paradís en ég myndi ekki vilja breyta neinu. Þetta er yndislegt fyrirbæri, get ekki lifað án þess

Bleh ætla að læra meira fyrir prófið núna á eftir.... 

Íslenskir bloggarar...

Útlendingar eður ei þá er þetta hræðilegur glæpur sem ég vona að verði tekið á á réttan hátt.

 

En hins vegar þá kemur mér á óvart þessi viðbrögð bloggaranna á MBL.is

Ég gerði mér nefnilega alls ekki grein fyrir því hversu útlendingahatur er orðið útbreitt á Íslandi. Og fyrir það skammast ég mín. Þetta er ekki það land sem að ég var stoltur að búa í og monta mig af við erlenda kunningja á netinu. Þetta eru alls ekki þau þroskuðu viðbrögð sem ég hélt að stóískir íslenskir þegnar myndu sýna.

Það virðist sem að glæpir séu orðnir svið erlends fólks, láglaunastörf og glæpir. Þetta er þjóðtrúin nú til dags og ég endurtek að ég skammast mín. 

Mér finnst að þetta sýni bara að það er þörf fyrir ennþá harðari fræðslu um innflytjendur og mun meiri umræðu í þjóðfélaginu og fólk þarf að kynnast innflytjendum persónulega.

Íslendingar geta alveg verið öruggir um að flestir nauðgara, dópistar, morðingjar, ræningjar og árásarmenn eru ennþá Íslendingar. Þjóðernissinnarnir geta huggað sig við það. 

Skammist ykkar. 

Fimm grunaðir um að hafa nauðgað stúlku

bleh...

Keyri um á díseljálk sem ekki telst eyðslumikill.....en þetta er orðið meira en brandari. Ríkið vogar sér að láta eins og ekkert sé að....

Þetta er svolítið einkennandi fyrir Árna Matt og Geir Haarde að þegja og svara ekki í símann. Þetta er svolítið svona þegar maður sér að Gallup eða einhver af þessum dæmum er að hringja og maður sleppir því að svara.

En þvermóðskan vinnur eins og venjulega og þessir menn eru kjörnir á Þing aftur og aftur og aftur.......

 

Og íslenskur almenningur......jahérna við gerum ekkert nokkurn tímann þegar gert er á okkar hlut. Það er nefnilega svo hallærislegt að mótmæla eins og bjáni. Það skilar engu.....

 

 

Bensínið í 141,80 kr. og dísil í 149,80

Gamli Skólinn flottur

Og þá meina ég bæði á myndinni sem og gamli Menntaskólinn minn. Neih! ég held að ég sjái hver er að kenna í G11 þegar myndin var tekin

Menntaskólinn á Akureyri kominn í úrslit

Vill Bjössi djobbið?

Spurning þegar það líður að því að kjörtímabil ríkistjórnarinnar verður hálfnað 2009 og eins og margir eru sannfærðir um að Björn Bjarnason verði látinn fara úr dómsmálaráðuneytinu í staðinn fyrir nafna sinn Benediktsson?

 Þá væri kjörið fyrir X-D að auglýsa eftir að ráða Borgarstjóra og eftir smá humm og hey að ráða eina "hæfa" manninn sem gæti orðið Björn Bjarnason, loksins orðinn borgarstjóri

 

 

smá djók

Brýnt að flokkurinn komist úr þessari stöðu

Reykvíkingar eru svo....

heppnir að valdabaráttan er svona stór partur þarna hjá þeim, ekkert annað gerist í borginni á meðan. Annað en hér fyrir norðan þar sem að bæjarráðið samþykkir nær allt samróma, og ekkert gerist á meðan.

 

Og fyrir ykkur sem ekki skilja þá er þetta kaldhæðni, pólitík er viðbjóður. 

Opið hver verður borgarstjóri

Vá

Þetta er ótrúlegt.

Ekki fatakaupin heldur hvernig Framsókn er einhvern veginn á hraðri leið til sjálfseyðingar. Það er ekkert jákvætt í fréttum um þennan flokk, Bingó lýgur, tapar meirihlutanum, sakaður um að vera undirförull andskoti o.s.frv. 

Hvað næst? Komumst við kannski að því að Guðni hafi verið á laun búinn að draga að sér fé til þess að rækta norskar beljur í þeim tilgangi að vera undan öðrum kúabændum í mjólkurframleiðslu?

 

Held að ekkert gæti komið fólki á óvart varðandi þetta lið lengur... 

Keyptu föt fyrir tæpa milljón