Afhverju er ekki...

Hægt að grípa til svipaðra ráðstafanna varðandi eldsneyti? s.s. að minnka/fella niður krónutöluna sem er á hvern líter. Ég meina ríkissjóður er búinn að áætla innkomu frá þessum lið varðandi fjárlög og hlýtur að sjá fram á töluverða aukningu á þeirri tölu. Er ekki hægt að sætta sig við skerðingu í átt að upphaflegu tölunni? Eða er ástand ríkissjóðs eða áætlun fjárlaga svona hrikalega slæm/vitlaus...

Ég bara spyr... 

Kjarnfóðurtollur felldur niður

Slegið á putta...

Og ekkert meir. Auðvitað er það harkalegt að reka manninn fyrir eitthvað sem er umdeilt en það var dómurinn að hann hefði brotið á höfundarrétti Laxness. Og ég þori að segja það að ef hér væri nemandi við HÍ þá hefði honum verið vísað úr skólanum án tafar...

Ef að HÍ vill komast að 100. sætinu hvað þá upp fyrir það þurfa þeir að auka kröfur um hegðun og hæfni og mér finnst þetta ekki í þá átt...

Það væri gaman að sjá þetta bréf og hvaða vinnubrögð eru hér nákvæmlega á ferðinni sem rektor setur út á. 

Þetta er nú svolítill gunguskapur að amk átelja þetta ekki harðar. Erlendis hefði hann verið rekinn. Kannski ekki á opinberan og sýnilegan hátt en hann hefði ekki verið vinnandi á næstu önn. T.d var þessi gaur rekinn fyrir skrítið atvik

 

Breytt:

ah Ég var of snöggur að skrifa, fréttin var ekki fullkláruð. Bréfið mun harðara heldur en ég ímyndaði mér. Greinilega hörku kerla sem hér er á ferð. Ef að fordæmi hefðu verið fyrir meðferð svona máls og reglur um áhrif áminningar hefði hún sparkað honum fastar en #$!"#%.....

Mér rennur kalt á milli skinns og hörunds að hugsa til þess hvað hefði gerst ef að hér hefði verið einkaskóli á ferð eða sjálfstæðari ríkisskóli.

Átelur vinnubrögð Hannesar

Ég þori ekki að anda...

því hver veit, ég gæti verið sýktur af einhverju sem gæti valdið almannahættu ef ég andaði frá mér.

Mótmæli eru alltaf truflandi og ég vil benda á ríkið sem skapar þær aðstæður að þörfin er á þessum mótmælum. En ekki vegna þess að þeir lækka ekki gjaldtöku heldur almennan skort á því að ráðamenn geri eitthvað eða segi eitthvað afgerandi. Það er óvissan sem heldur þessu gangandi og svo lengi sem ráðamenn þegja því meiri líkur eru á að eitthvað alvarlegt gerist.

„Klárlega almannahætta"

Fullkomlega eðlilegt.

Get ekki sagt annað en að mér finnist þetta vera ósköp í anda NATO samstarfsins sem við eigum við þessar þjóðir. Hef heyrt að það sé víst eftirsótt að notast við Ísland sem æfingarsvæði sökum fjölbreytileika þess.

Og ef fólk heldur að 100 manns sé fjölmennt lið.....hehehehe mest af þessu er viðhalds- og stjórnunarbatteríið sem fylgir hersveitum almennt.

100 manna frönsk flugsveit á leið til landsins

kommon!

Hér er á ferðinni dæmdur ritþjófur sem ætti að reka úr HÍ.

Auk þess sem að maðurinn stærir sig af því að vera vinur margra stórmenna í íslenskri pólitík sbr. Wikipedia síðunum hans ensku t.d. þar sem hann hefur víst sett inn þessar myndir allar.

Þessi maður á ekki skilið að vera kallaður baráttumaður fyrir frjálsu samfélagi þar sem að hann hefur ævinlega verið munnstykki Sjálfstæðisflokksins og vina þeirra og hagsmuna.

Ástæðan fyrir erlendum málssóknum á hendur Hannesi tel ég vera það að hann telji sig yfir aðra hafna sökum tengsla sinna og tjái sig því óhamlað og án mannasiða um menn og málefni. Það að þetta er tekið fyrir erlendis er væntanlega vegna tengsla Hannesar við ráðamenn sem skipað hafa mjög í dómarastöður eftir flokksskírteinum og ættatölum.

Þess ber að geta að ég er minna hrifinn af Jóni Ólafssyni og ætla ekki að tjá mig um þann mann af réttmætum ótta við að segja eitthvað sem hann myndi kæra mig fyrir. 

Söfnun fyrir Hannes Hólmstein

Tilvísanir í rannsóknir?

Ég er menntaður í félagsvísindum og það pirrar mig agalega að sjá það að mogginn sleppir að vísa í heimildir í fréttum sem þessum.

Aðallega samt vegna þess að þetta er rannsókn sem ég væri til í að lesa samt

 

Fann 'ana, birtist í Neuron 27. mars  

Heilinn skynjar sætabrauðið

Hversu mörg mál?

Hafa lögreglumenn kannski lokið á þennan hátt? Gæti verið að þetta sé vaninn hjá sumum lögreglumönnum að knýja fram falskar játningar með hótunum og látum?

Finnst að þetta ætti að fara í innra eftirlitið hjá löggunni og áminning eða meira væri viðeigandi, þetta er ekki það sem þessum mönnum er kennt í lögregluskóla ríkisins, a.m.k. ekki lengur hélt ég, kom tímabil þar sem kennarar sögðu nemendum að þeir væru aðeins einu þrepi neðar en almættið. Hugsaði ósjálfrátt um Geirfinnsmálið og játningarnar þar, viljum við annað svoleiðis skrípamál?

Miðað við þá lögreglumenn sem ég kannast við þá hlýtur þetta að vera undantekning, vona það a.m.k.

Svo getur vel verið að drengurinn sé með einhverja sakaskrá og að lögreglan kannist við hann...veit ekki. Finnst þetta samt full harkaleg meðferð að hóta manninum gæsluvarðhaldi og sérstaklega í ljósi þess að þarna var röð þjófnaðarmála. Vona að þeir biðji hann afsökunar. 

Lögreglan sakaði son sjoppueiganda um rán

Lifið og látið lifa...

Ekki búinn að sjá þessa mynd og efast að ég skoði hana nokkuð, vil helst tala við þá sem stunda trúarbrögð til þess að kynnast þeim í stað þess að fá þetta frá 3. aðila.

Málið er það að ég held að Íslendingar eru ekkert mjög trúaðir, kirkjan er orðin partur af menningunni ekkert annað. Þetta er bara orðin fastur hluti af lífi okkar sem við pælum lítið sem ekkert í. 

Ég vona að við séum ekki að fara að snúa þeirri þróun við því trú er sá málstaður sem mest er drepið fyrir og verið að rífast um hluti sem aldrei verður hægt að sanna af eða á. Þetta er eins og að rífast um hvort að glasið sé hálffullt eða hálftómt. 

Islam er trúarbragð, abrahamískt meira að segja sem þýðir að kristni er því náskylt fyrirbæri. Öll trúarbrögð eiga sér öfgamenn líka kristni, t.d. Dubayah Bush fyrir vestan okkur og Hr. Íranforseti "sprengjum Ísrael".

Erum við sem kristið fólk stolt af okkar öfgamönnum? Eru þeir hávær minnihluti? jamm... og ég er nokkuð viss um að það sama sé uppi á teningnum hinumeginn við hafið hjá múslimum. Þeir hafa Jihad og við höfðum Krossferðirnar. Þess ber að geta að núna er árið  1429 AH hjá múslimum. 

Hvað voru kristnir menn að gera af sér fyrir 600 árum? Þetta er trúarbragð sem er að þroskast ennþá. Held að menn ættu að minnast þess að kristnir klerkar brenndu fólk á báli fyrir litlar sem engar sakir annað en að benda á náttúrulögmál sem við tökum núna sem góð og gild.  

„Fitna" fjarlægð af netinu

Vil vita meira!

Er þetta viðvörun til þessara meintra aðila að láta af þessari hegðun eða eru þetta virkilegar ásakanir sem verða rannsakaðar og farið með alla leið í kerfinu?

Erum við kannski að tala um að það verði sleginn díll í einhverju reykfylltu herbergi? 

 

En mér finnst að fjölmiðlar landsins ættu nú að sækjast eftir frekari útskýringum og hvort að Davíð sé virkilega að meina að einhverjir ÍSLENSKIR braskarar hafi gert tilraun til þess að setja efnhag heimaland síns á annan endann?

Enda sýnist manni að það ætli að verða hægara sagt en gert að lagfæra þetta hrun á krónunni.

Var að heyra út undan mér að hér kunni að vera á ferðinni tilraun til að koma Evrunni á framfæri með valdi vegna veikleika krónunnar. langsótt en hverju á maður að trúa þegar ríkisstjórnin segir ekkert og Seðlabankastjóri er að varpa fram samsærikenningum?

Einhverjir kunna að hafa haft óeðlileg áhrif á gengið

Díses ekki meir um brjóst...

Ég er aðdáandi brjósta, hvort sem þau eru á hreyfingu eður ei.

Finnst þetta umræða sem er bara að reyna að búa til vandamál þó að hún eigi alveg rétt á sér. Er ekki á móti berun brjósta á nokkurn hátt. Finnst þetta að vísu skrýtið þegar maður sér þetta á almannafæri en það er bara það að þetta er ekki algengt. En ég finn bara ekkert að þessu í sundi, konur eru líka menn og mega vera berar að ofan ef þeim svo sýnist. Blygðunarkennd er eitthvað sem ég held að sé bara tilbúinn hlutur og byggist á einhverjum framleiddum gildum sem eru aldrei í takt við tímann. Gildi eru flæðandi hlutur og í dag eru ber brjóst fínn hlutur. Kannski að eftir 50 ár kvarti maður um það hversu krakkar séu íhaldssamir um alla hluti og fari að tala um gömlu góðu dagana þegar brjóstin máttu vera frjáls.

 

En ég er aðallega pirraður á þessari frétta umfjöllun vegna þess að hún minnir mann á það að það eru ennþá sálir þarna úti sem ekki geta séð nakið hold án þess að skammast sín eða hneykslast en eru algjörlega búin að gleyma að svona fæðumst við og lítum svona út á okkar nánustu stundum með öðrum. Líkaminn er ekki eitthvað sem á að bendla við skömm. Þetta er fallegur og eðlilegur hlutur. 

Hefð fyrir berum brjóstum í Hveró?