Mái herðir sultarólina.

Þorsteinn Már virðist ætla að sjá til þess að þessi banki verði eins straumlínulagaður og hið besta fjölveiðiskip. Sýnist sem svo að Glitnismenn séu að taka skilaboð hans mjög alvarlega. Enda mín reynsla að þarna sé maður sem maður sleppir því að æsa.

Stórlaxar Glitnis hætta við laxveiðina

Eru allir Evrópubúar dauðvona?

Það hlýtur að vera miðað við þessar dómsdagsspár sem koma fram alltaf þegar talað er um að minnka höft á matvæla innflutningi.

Alltaf öskrað að hingað muni koma sýkt annars flokks vara sem allir munu veikjast af og veslast upp í veiru og bakteríu smiti.

Maður er barasta hissa á því að það skuli einhver vera eftir á meginlandi Evrópu.

Vill að frumvarpið verði fellt

Afhverju megum við ekki verja okkur?

Mér er í raun sama hvaða verkefni við tökum að okkur innan NATO og skil það vel að fólk vilji ekki her. En afhverju má það fólk sem við sendum ekki bera vopn á átakasvæðum sem það er að vinna á sér til varnar? Ef við erum á annað borð að taka þátt í verkefnum NATO þá munum við stundum vera með fólk á hættusvæðum og mér finnst þá mikilvægt að það fólk megi verja sig ef til þess kemur.

Skil ekki hverjar þessar hernaðarlegu forsendur eiga að vera þar sem að við erum ekki með her. Eins og ég skil hernað þá þurfum við að vera að leita eftir átökum eða að vera að verja hertekið svæði með vopnavaldi. Ef við erum að taka þátt í rekstri flugvallar eins og í Kabúl þar sem skotárásir og sprengjur eru daglegt brauð þá finnst mér það minnsta sem hægt er að gera er að tryggja það að fólkið geti varið sig í sjálfsvörn.

Loftrýmiseftirlitið er dulítið mikilvægt fyrir NATO og þar sem að við erum nú í NATO þá þurfum við nú að leggja eitthvað til málanna og ég tel að hér sé eins lítið hernaðarlegt hlutverk eins og hægt er að fá í varnabandalagi. Að fylgjast með ferðum flugvéla...

Jamm það eru nokkrir Sjallar fúlir yfir að Dómsmálaráðuneytið fékk ekki varnamálastofnunina. Björn Bjarna reyndi sem hann gat en Ingibjörg bara sagði nei.

Ísland velji ekki hernaðarverkefni

Að leiðrétta gömul mistök

McCain virðist vera svo ákveðinn í því að vinna þetta stríð og sjá til þess að það fari ekki sömu leið og Víetnam stríðið að maður spyr sig hvort að það sé að hafa áhrif á dómgreind hans? Vissulega er það rétt að með tíma, herafla og peningum er hægt að friða Írak en með hvaða ávinningi? Þetta land er í borgarastyrjöld og nágrannar þess hafa meiri áhrif innan þess heldur en ríkisstjórnin, BNA er bara að lenda á milli stríðandi fylkinga og áorka litlu.

Það er skítt að þurfa að upplifa svona átök og niðurlægingu tvisvar á ævinni og ég held að John McCain þurfi að byrja á því að sætta sig við það.

Það sem rétt væri í stöðunni er það að skipta Írak upp og koma á fót friðargæslu á vegum Sameinuðu Þjóðanna. Hvert þjóðarbrot með sinn hluta af Írak. Sjítar, Súnni og Kúrdar, og fá þessari gæslu mismunandi löndum.

5 ár til viðbótar af þessari hringavitleysu sem núna viðhefst þarna gengur ekki.

Segir mögulegt að sigra í Írak

Oh þessi taugaveiklun

Þetta er alltaf svolítið taugaveiklað að vera að reyna að finna bresti á milli ríkisstjórnarflokkanna. Og ennþá fyndnara að fólkið svarar þessum aðfinnslum ennþá taugaveiklaðara. Þetta er hætt að vera fréttnæmt að mér finnst og ber vott um hvað fjölmiðlar eru farnir í kjölfarið á ,,Reykjarvíkur twisternum" að bókstaflega að reyna að koma af stað svona atburðarrásum. Þeir ætla a.m.k. ekki að vera síðastir að frétta af því.

En allavega þá finnst mér verst hvað Samfó er byrjuð að tileinka sér stæla Sjallann, t.d. fullyrðingar Ingibjargar um að ,,Kjörtímabilið er 4 ár" sem er vissulega rétt en þýðir það að maður getur ekki átt von á neinum aðgerðum fyrr en þá rétt fyrir næstu kosningar? Kannski að kjörtímabilið ætti þá að vera bara 2 ár eða jafnvel 1 ár. 

Þetta er svo sannarlega orðin "Bíðum og sjáum til ríkisstjórnin" versta er að ég kaus annan flokkinn í henni...

Mjög ánægður með stjórnina

Þvílíkt bull

ohh enn eitt bæjarfélagið ákveður að vera með fáránleg aldurstakmarkanir. Og segið mér ekki að 22 ára fólk sé ekki fullorðið. Skv. okkar samfélagi er fólk orðið fullorðið (en ungt) við 18 ára aldur.

Þetta er ennþá heimskulegra í ljósi þess að ég kannast við fólk sem varð foreldrar eða stofnaði sína fjölskyldu um eða undir 20 ára aldri. 

Þetta eru heimskulegar reglur sem bæjarstjórn heimabæjar míns fann upp. ,,Akureyraleið" bleh þetta er vitlaus leið sem fælir fólk frá. Ofneysla áfengis og læti geta líka fylgt fólki yfir 23 ára aldri því miður. Kannast við það líka. 

Æi ég þoli bara ekki hömlur af þessu tagi sem að auki eru ekki gáfulegar né að skila tilætluðum árangri. Þetta er léleg lausn á vandamáli sem hægt væri að leysa með meiri gæslu (peningar).

Plús það að ,,Írskir dagar" svona hljóma strax eins og hátíð þar sem ætlast er til að fólk drekki og drekki og drekki og njóti írskrar menningar sem ef að ég man rétt einkennist dulítið af drykkju vegna sögulegra ástæðna sem ég nenni ekki að fara út í hér.

Yngri en 23 ára bannað að tjalda nema í fylgd með fullorðnum

Spurning um sjálfstraust?

Mér finnst þetta áhugavert sérstaklega þar sem að oftast er talað um að drekka í sig kjarkinn. Mér finnst að það sé það líklegasta sem liggur að baki þessarar neyslu. Fyndið að sjá að það eru karlmenn sem þurfa mest á þessu að halda og það er mögulegt að það stafi af þeirri hefðbundnu staðalímynd að karlmenn eigi að taka fyrsta skrefið í samskiptum kynjanna. Konur geti átt meira von á því að karlmenn nálgist þær heldur en að þær séu að eltast við karla.

Það sem er ískyggilegast við þetta er það að svona stórt hlutfall karla skuli finna til þessarar þarfar. Sem bendir til þess að þessi staðalímynd sé búin til en ekki af náttúrulegum uppruna. Það útskýrir ekki samt það hlutfall kvenna sem telur sig þurfa þetta ,,hjálpartæki" og ég er einmitt með aukahluti að neðan sem gera mig óhæfan til að dæma um það....kannski að þær þurfi hjálp við að þola alla fullu karlanna sem eru að reyna við þær?

Guð veit að ég drekk bara til þess að geta ,,skemmt" mér í ,,skemmtanalífinu"...

Drekka til að komast á séns

Getur Sjálfstæðisflokkurinn varið þetta?

Ég sé ekki að Hanna Birna né Gísli Marteinn muni hafa nokkurn áhuga, vilja né getu til þess að verja þessa ráðningu vinar borgastjóra og fáránleg laun í vinnu sem mun í raun ekki afkkasta neinu nothæfu. Á meðan meirihlutinn er svona klofinn varðandi Vatnsmýrina og flugvöllinn sem sumir vilja meina að sé órjúfanlegur þáttur í framtíðarskipulagningu miðborgarinnar þá sé ég ekki að hægt sé að skipuleggja eitt né neitt.

Varðandi launin hans, Veit um ráðgjafafyrirtæki sem gæti sett 4-5 manna teymi í ársvinnu við þetta mál fyrir 12 milljónir. 5 á verði eins hlýtur að vera betri díll. Sérstaklega þar sem hann á að vera borgarstjóra innan handar um þessi mál. 

Æi þetta er meiri vitleysan sem Ólafur F. er búinn að asnast út í á síðustu dögum, lætur mynda sig þar sem hann afneitar verðlauna tillögunni, neitar svo að hafa afneitað, segist svo ekki hafa ráðið vin sinn sem sótti ekki um stöðuna, segir svo að þetta sé ekki aðstoðarmaður heldur ráðgjafi sem muni vinna náið með Borgarstjóra um fleiri mál heldur en bara miðborgarskipulagið....æi greyið karlinn...

Óánægja vegna launakjara Jakobs

Ráðherra með bein í nefinu

Jáh er ekki frá því að Þórunn sé ráðherra sem fari eftir sínu prógrammi og beygi sig ekki svo glatt fyrir vilja annarra. Mér er persónulega alveg sama um Urriðafossvirkjun en mér er illa við Landsvirkjun sem er fyrirtæki sem getur ákveðið að þeir ætli að byggja eitthvað og taka land af fólki án þess að nokkur maður stoppi þá. Mér er alveg sama þótt að formlega sé það ríkið sem gerir þetta, Landsvirkjun bendir á eitthvað eins og frekt barn og ríkið lætur eftir. Og að halda að fyrirtæki sem hafi þessi ítök sé einkavæðingarhæft er fáránleg hugsun btw. 

Ráðherra styður ekki eignarnám

Ekki viss um þetta komment...

Ég held að lögreglan hafi verið búin að ákveða sjálf á hverju væri von. A.m.k hefur maður heyrt það frá þeim sem voru sjónarvottar og utan þessa máls. Lögreglan var fljót á vettvang með anti-riot liðið sitt og augljóst að þeir voru búnir að búa sig undir þetta mál þennan dag. S.S. þeir voru á stand-by og biðu eftir kallinu. Ég er ekki sammála að þetta hefði verið óumflýjanlegt nema lögreglan hafi haft áhyggjur af því að vera að sýna veikleika og getuleysi með því að ræða við mennina og bíða róleg þó að umferð væri stopp. Þetta minnir svolítið á kalda stríðið þar sem báðir aðilar héldu að ef þeir sýndu veikleikamerki væri stríðið tapað. Svoleiðis hugsun leiðir bara til óumflýjanlegra átaka eins og við sáum þarna við Rauðavatn.

Öflugar rannsóknir og stór mál eru ekki nóg til að sýna árangur, að vísu má nefna það að þessar "öflugu" rannsóknir taka langann tíma og ef ég man rétt þá var ríkissaksóknari að setja einhverjar reglur um tímamörk eða þá að þetta sé að koma í einhverja reglugerð og þá er þetta væntanlega til að draga úr drolli rannsóknarlögreglunnar?

Og helvíti hart er það að vera að bera sig við norsku lögguna og stæra sig af því ekki beint það sem maður vill að íslenska lögreglan verði að...þó svo að vissulega séu þess merki að svona sé málum farið hér. Að lögreglan rannsaki eigin aðgerðir og ásakanir um misrétti eða misnotkun valds er fáránlegt og alveg sama hvort þar séu önnur embætti lögreglunnar séu fengin til málsins. Þyrfti að vera hér á landi innra eftirlit líkt og hefur sýnt mikinn árangur í New York borg sem bjó við mikla lögregluspillingu áður fyrr... Scorpico einhver?

Að vísu hataðast stétt lögreglunnar en mjög....heiðvirð?

Allavega þá er það satt eins og annar bloggari hér segir að valdstjórnin hafi alltaf réttinn sínu megin þó það sé vafasamt þá hafa þeir alltaf rétt fyrir sér.

 

Það sem gerðist var óumflýjanlegt